ශ්රී ලංකා වයස අවුරුදු 19න් පහළ කණ්ඩායමේ හෝ ශ්රී ලංකා ‘ඒ’ කණ්ඩායමේ කළමනාකරුවකු ලෙස හිටපු ක්රිකට් ක්රීඩක ෆර්වීස් මහරුෆ් පත් කරන ලෙස ක්රීඩා අමාත්ය හරීන් ප්රනාන්දු මහතා කළ ඉල්ලීම ඉවත දමා ඇතැයි වාර්තා වනවා.
අමාත්යවරයා මේ සම්බන්ධයෙන් දිගින් දිගටම බලපෑම් කරමින් සිටින අතර, කෙසේ වෙතත් අමාත්යවරයාට දන්වා ඇත්තේ ඒ සම්බන්ධයෙන් තනි තීරණයක් ගත නොහැකි බවත් විධායක කමිටුවේ තීරණය අවසන් තීරණය බවත්ය.
ක්රීඩා අමාත්ය හරීන් ප්රනාන්දු මහතා සහ ෆර්වීස් මහරුෆ් අතර දැඩි මිත්රත්වයක් පවතින අතර, මීට පෙර අමාත්යවරයා ක්රීඩා අමාත්ය ධුරය භාරගැනීමෙන් අනතුරුවද ෆර්වීස් මහරුෆ් හට අමාත්යංශයේ මෙන්ම ශ්රී ලංකා ක්රිකට් ආයතනයේද දීමනා සහිත නිලතල හිමිවුණා.
මෙවරත් ක්රීඩා අමාත්යවරයා ලෙස හරීන් ප්රනාන්දු මහතා පත්වීමෙන් පසු ෆර්වීස් මහරුෆ් හට නිලතල කිහිපයක් පිරිනැමීම සම්බන්ධයෙන් මේවනවිටත් සාකච්ඡා පැවැත්වෙමින් තිබෙනවා.
