කොළඹ හත, විජේරාම මාවතේ නිවසක සිටි කාන්තාවක් අභිරහස් ලෙස මිය ගොස් තිබෙනවා.
අදාළ කාන්තාව එම නිවසේ තනිව ජීවත්ව සිට ඇති බවටයි අනාවරණ වී ඇත්තේ.
මිත්‍රාණි ප්‍රනාන්දු ස්මින් නමැති කාන්තාවක් මෙලෙස මියගොස් ඇති බව සඳහන්.
මියගිය කාන්තාවගේ සිරුර ඇය පදිංචිව සිටි නිවසේ කාමරයේ බිම උඩුබැලි අතට වැටී තිබෙන අයුරු දක්නට ලැබී තිබෙනවා.
මරණකරුගේ මුඛයේ සහ පපු ප්‍රදේශයේ ලේ පැල්ලම් ද දක්නට ලැබී ඇති බවයි වාර්තා වන්නේ.
මෙය ඝාතනයක් ද සාමාන්‍ය මරණයක් ද යන්න මෙතෙක් අනාවරණය වී නැහැ.
සිද්ධිය සම්බන්ධයෙන් කුරුඳුවත්ත පොලීසිය විසින් වැඩිදුර විමර්ශන ක්‍රියාත්මකයි.
