මීටියාගොඩ ප්‍රදේශයේ නීතිවිරෝධී මත්පැන් බෙදාහැරීමේ ප්‍රබල සාමාජිකයකු වන ‘බබී’ නමැත්තා අත්අඩංගුවට ගෙන තිබේ.
පොලිස් විශේෂ කාර්ය බළකාය පැවසුවේ එම වැටලීමේදී නීතිවිරෝධී මත්පැන් තොගයක් ද සොයාගත් බවයි.
ප්‍රදේශවාසීන් පැවසුවේ මෙම සැකකරු නිසා එම ප්‍රදේශයට දැඩි බලපෑමක් එල්ලවී තිබූ බවයි.
සැකකරුගේ නිවස පරීක්ෂා කිරීමේදී එහි ඔට්ටු ඇල්ලීමේ ස්ථානයක් පවත්වාගෙන ගොස් ඇති අතර ඒ වෙනුවෙන් සැකකරුගේ නිවස වටා ආරක්ෂිත කැමරා පද්ධතියක් ද සවිකර තිබූ බව පොලිස් විශේෂ කාර්ය බළකා නිලධාරීන් නිරීක්ෂණය කර තිබුණි.
ඊට අමතරව ඔත්තුකරුවන් ද යොදා ගනිමින් පොලීසියෙන් බේරීමට සැකකරු කලක සිට කටයුතු කර තිබූ බවද හෙළිවී ඇත.
අත්අඩංගුවට ගත් 47 හැවිරිදි සැකකරු වැඩිදුර විමර්ශන සඳහා මීටියාගොඩ පොලීසියට භාරදී තිබේ.
