ව්‍යාපාරිකයකුට පහරදී පැහැර ගැනීමේ සිද්ධියක් සම්බන්ධයෙන් බෙන්තොට ප්‍රාදේශීය සභාවේ හිටපු සභාපති ගයාන් සිරිමාන්න ලබන ජූනි 26වනදා දක්වා රක්ෂිත බන්ධනාගාරගත කර තිබෙනවා.
පැහැරගත් ව්‍යාපාරිකයා කෝට්ටේ මාදිවෙල ප්‍රදේශයේ පදිංචිකරුවෙකි.
නුගේගොඩ වැඩබලන මහේස්ත්‍රාත්වරයා වෙත සැකකරු ඉදිරිපත් කිරීමෙන් අනතුරුවයි මෙලෙස බන්ධනාගාගත කෙරුණේ.
හිටපු සභාපතිවරයා පසුගිය 16වනදා ඔහුගේ ජීප් රථයෙන්ම මෙම පැහැර ගැනීම සඳහා පැමිණ ඇති බවයි සීසීටීවී දර්ශන අනුව කළ විමර්ශනවලදී අනාවරණය වී තිබෙන්නේ.
සිද්ධියට අදාල ව්‍යාපාරිකයා පැහැරගැනීමට හවුල් වූ සෙසු පිරිස අත්අඩංගුවට ගැනීම සඳහා පොලිස් විමර්ශන ක්‍රියාත්මකයි.
