ශ්රී ලංකා ක්රිකට් ක්රීඩක ප්රවීන් ජයවික්රමට එරෙහිව ජාත්යන්තර ක්රිකට් කවුන්සිලය (ICC) ICC දූෂණ විරෝධී සංග්රහය උල්ලංඝණය කළ බවට චෝදනා තුනක් එල්ල කර තිබෙනවා.
ඒ අනුව ජයවික්රමට එරෙහිව එල්ල වී ඇති චෝදනාවලට ප්රතිචාර දැක්වීම සඳහා 2024 අගෝස්තු 6 වනදා සිට දින 14ක කාලයක් ලබා දී ඇති බවයි වාර්තා වන්නේ.
ඒ 2021 වසරේ ලංකා ප්රිමිය ලීග් තරග මුදලට පාවාදීමට අදාළවයි.
නමුත් මෙම තරග පාවාදීම්වලට සම්බන්ධ වන ලෙස ඔහුට එවූ ව්ට්සැප් පණිවිඩ ප්රවීන් ජයවික්රම විසින් මකා දමා ඇති බව වාර්තා වනවා.
එම යෝජනාවන් පිළිබඳව ඔහු නියමිත කාලයේදී අයි සී සීය දැනුවත් නොකළ බවටයි ප්රවීන් ජයවික්රම ට චෝදනා එල්ල වී ඇත්තේ.
25 හැවිරිදි දඟ පන්දු යවන ක්රීඩක ප්රවීන් ජයවික්රම අන්තර්ජාතික තරග 15කට ක්රීඩා කර තිබෙනවා.
ඔහු අවසන් වරට ජාත්යන්තර ක්රිකට් තරගයක් වෙනුවෙන් ශ්රී ලංකාව නියෝජනය කර ඇත්තේ 2022 වසරේ ඔස්ට්රේලියාව සමග පැවති T20 තරගාවලියේ දීයි.
