අග්‍රාමාත්‍ය හරිනි අමරසූරිය සහ හා ශිෂ්‍ය සංගම් අතර විශේෂ සාකච්ඡාවක් අද (17) පවත්වා තිබෙනවා.
එහිදී විශ්වවිද්‍යාල සිසුන්ගේ අධ්‍යයන කටයුතු සහ ශිෂ්‍ය සුබසාධනය සම්බන්ධයෙන් සහ ඔවුන් මෙතෙක් මුහුණ දුන් නොවිසඳුණු ගැටලු රාශියක් පිළිබදව අවධානය යොමු කෙරුණු බව සඳහන්.
මෙම සාකච්ඡාව සදහා විශ්වවිද්‍යාලයීය ශිෂ්‍ය බලමණ්ඩලය, අධ්‍යාපන අයිතිය උදෙසා සිසු ජන බලය, වෛද්‍ය පීඨ ශිෂ්‍ය ක්‍රියාකාරී කමිටුව සහ සියලු වෛද්‍ය පීඨ ශිෂ්‍ය සංගම්, අන්තර් විශ්වවිද්‍යාලයීය භික්ෂු බලමණ්ඩලය, අන්තර් උසස් ජාතික ඩිප්ලෝමා ශිෂ්‍ය බලමණ්ඩලය, සාගර විශ්වවිද්‍යාලයීය මහා ශිෂ්‍ය සංගමය, ඉංජිනේරු තාක්ෂණ ආයතන ශිෂ්‍ය සංගමය, මොරටුව ඉංජිනේරු පීඨ ශිෂ්‍ය සංගමය ඇතුලු ශිෂ්‍ය සංගම් ගණනාවක නියෝජිතයින් පිරිසක් එක්ව සිටියා.
අදාළ සාකච්ඡාවෙන් අනතුරුව අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු මධුෂාන් චන්ද්‍රජිත් මහතා මාධ්‍ය වෙත අදහස් පළ කළා.
මේ වෙද්දී රාජ්‍ය විශ්වවිද්‍යාල පද්ධතිය සහ පොදුවේ උසස් අධ්‍යාපන ක්ෂේත්‍රය විශාල අර්බුදයකට මුහුණ දෙන්න සිදුවෙලා තියෙනවා. මේවාට කඩිනමින් විසඳුම් ලබා දෙන්න කියන යෝජනාව තමා අපි සිද්ධ කළේ.
මේවා ඇතුළේ අපි හඳුනගන්නවා, ජාතික අධ්‍යාපන ප්‍රතිපත්ති රාමුව බරපතල අර්බුදයක් විදිහට තියෙනවා. නිදහස් අධ්‍යාපනය මුළුමනින්ම විනාශ කිරීම සඳහා. උසස් අධ්‍යාපනයට සහ පාසල් අධ්‍යාපනය කියන ක්ෂේත්‍ර දෙකකට අදාළව තමයි ජාතික අධ්‍යාපන ප්‍රතිපත්ති රාමුව අරගෙන එන්නේ.
පෞද්ගලික වෛද්‍ය විද්‍යාල මේ වෙද්දී තැන තැන පොකුරු පිටින් හතු පිපෙනවා වගේ රට පුරාම ස්ථාපිත කරනවා. කොතලාවල ආරක්ෂක විශ්වවිද්‍යාලයෙන් මේ වෙද්දී වසර කණ්ඩායම් දෙකක් බඳවගෙන තියෙනවා. වෛද්‍ය උපාධිය මුදලට විකුණන්න. එක් කෝටි ලක්ෂ 50කට තමා ඔවුන් වෛද්‍ය උපාධිය මුදලට දෙන්න සූදානම් වෙන්නේ.
එතකොට අපි පැහැදිලිවම රටේ පොදු මහජනතාවට ආදරයට කරන දේවල් නෙවෙයි. මොකද එහෙම කියන්නේ, රජයේ වෛද්‍ය පීඨවල විශාල අර්බුද ප්‍රමාණයක් නිර්මාණය කරලා.”
