සුළං විදුලි උත්පාදන කුලුනක තට්ටක් කඩාවැටීමෙන් කන්දකුලිය කුරිඤංපිටිය ප්‍රදේශයේ නිවාස තුනකට හානි සිදුව තිබෙනවා.
ඊයේ (02) පස්වරුවෙයි මෙම අනතුර සිදුව ඇත්තේ.
පුද්ගලික විදුලි නිෂ්පාදන සමාගමට අයත් සුළං විදුලි කුලුනක තට්ටක් හදිසියේ ඇතිවු කාර්මික දෝෂයක් හේතුවෙන් මෙලෙස කඩාවැටි ඇති බව වාර්තාවනවා.
අදාළ සමාගමට අයත් සුළං කුලුණු 05ක් එම ස්ථානයේ ඇති අතර ඉන් එකක තට්ටක් මෙලෙස කඩා වැටි තිබෙනවා.
මෙම එක් සුළං විදුලි උත්පාදන කුලුනක උස, අඩි 270 කට අධික වන අතර එහි සවිකර ඇති තට්ටක් අඩි 129 ක පමණ දිගකින් සමන්විතවනවා.
අදාළ සුළං කුලුනේ තට්ට කඩාවැටීමෙන් එක් නිවසක් සම්පුර්ණයෙන් විනාශ වී ඇති අතර ඒ ආසන්නයේ පිහිටි තවත් නිවාස දෙකකට සුළු හානි සිදුව ඇත.
කෙසේවෙතත් මෙම සුළං තට්ට කඩා වැටීම සිදුවන අවස්ථාවේ දී එම නිවාසවල කිසිවකු සිට නැති බව වාර්තාවනවා.
