හිටපු අමාත්‍යවරයෙකු වූ මර්වින් සිල්වා අපරාධ පරීක්ෂණ දෙපාර්තමේන්තුව මගින් ඊයෙ රාත්‍රියේ අත්අඩංගුවට ගෙන ඇත.
ඊයේ (5) රාත්‍රියේ පැලවත්ත, බත්තරමුල්ල ප්‍රදේශයේ පිහිටි ඔහුගේ නිවසේදී මෙම අත්අඩංගුවට ගැනීම සිදුකර ඇති බවයි වාර්තා වන්නේ,
පොලිස් මාධ්‍ය කොට්ඨාසය සඳහන් කළේ, කැලණිය ප්‍රදේශයේ ඉඩමක් සම්බන්ධයෙන් කූඨ ලේඛන සකස් කර මුදල් වංචා කිරීම හා ඊට ආධාර අනුබල දීමේ චෝදනාවලට හිටපු අමාත්‍යවරයාව මෙලෙස අත්අඩංගුවට ගත් බවයි.
එමෙන්ම එම ඉඩම 2010 වසරේදී කිරිබත්ගොඩ නව නගරය ඉදිකිරීම සඳහා රජය වෙත පවරා ගත් භූමියක් වන අතර එම ඉඩම් වංචාවට සහය දුන් තවත් පුද්ගලයෙකු ද අත්අඩංගුවට ගත් බව පොලීසිය සඳහන් කරයි.
කෙසේ නමුත් අපරාධ පරීක්ෂණ දෙපාර්තමේන්තුව මේ පිළිබඳ වැඩිදුර විමර්ශන සිදු කරන බව සඳහන් වේ.
