හිටපු ජනාධිපති රනිල් වික්‍රමසිංහ වත්මන් පාර්ලිමේන්තුවේ සිටිය යුතු බවට කිසිදු ප්‍රකාශයක් සිදු කළේ නොමැති බව රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක චමිල් විජේසිංහ පෞද්ගලික නාලිකාවක් සමඟ පැවති වැඩසටහනකට එක් වෙමින් පවසයි.
ඔහු පවසන්නේ රජයේ වෛද්‍ය නිලධාරීන්ගේ සංගමයේ නිලධාරීන් හිටපු ජනාධිපති රනිල් වික්‍රමසිංහ සමඟ පැවැත්වූ හමුවකින් අනතුරුව එක්සත් ජාතික පක්ෂය නිකුත් කළ නිල නිවේදනයක ඒ බව සඳහන් කර තිබුණත්, එම හමුව අතරතුර හිටපු ජනාධිපති රනිල් වික්‍රමසිංහ වත්මන් පාර්ලිමේන්තුවේ සිටිය යුතු යැයි ප්‍රකාශයක් සිදු නොකළ බවයි.
චමිල් විජේසිංහ තවදුරටත් චෝදනා කර ඇත්තේ මෙය ඇතැම් පාර්ශවයන් විසින් රජයේ වෛද්‍ය නිලධාරීන්ගේ සංගමය ඉලක්ක කරගමින් සිදු කරන ලද අසත්‍ය ප්‍රචාරයක් බවයි.
