හිටපු පළාත් සභා මන්ත්‍රී සංජය සිරිවර්ධන ටී 56 ගිනි අවියක්, එහි මැගසින් දෙකක්, උණ්ඩ 130 ක්, බෝර 12 ගිනි අවියක් සහ එහි උණ්ඩ 6 ක් ළඟ තබා ගැනීමේ චෝදනාව මත අත්අඩංගුවට ගෙන තිබේ.
මෙම ගිනි අවි සහ උණ්ඩ ඔහුගේ පොල් ඉඩමක සඟවා තිබී ඇති බව වාර්තා වේ.
බස්නාහිර පළාත් ජ්‍යෙෂ්ඨ නියෝජ්‍ය පොලිස්පති සංජීව ධර්මරත්නගේ උපදෙස් පරිදි බස්නාහිර උතුර අපරාධ කොට්ඨාශයේ අධ්‍යක්ෂ සහකාර පොලිස් අධිකාරී රොහාන් ඕලුගලගේ මෙහෙයවීමෙන් මේ සම්බන්ධයෙන් වැඩිදුර විමර්ශන සිදු කෙරේ.
සැකකරු හිටපු ජනපතිනි චන්ද්‍රිකා බණ්ඩාරනායක කුමාරතුංගගේ සම්බන්ධීකරණ ලේකම්වරයකු ලෙස කලක් කටයුතු කර ඇති අතර ශ්‍රී ලංකා නිදහස් පක්ෂය සුරැකීමේ සංවිධානයේ ජාතික සංවිධායකවරයා ද වේ.
එසේම මීරිගම ශ්‍රීලනිප ප්‍රධාන සංවිධායක ලෙසද කටයුතු කර ඇති ඔහු මිට පෙර ජනාධිපතිවරණ මැතිවරණයක දී සජිත් ප්‍රේමදාසට සහය ලබා දී තිබේ.
58
/ 100
SEO Score
