එළැඹෙන අප්‍රේල් මස මුල්දින කිහිපයේ ඉන්දීය අග්‍රාමාත්‍ය නරේන්ද්‍ර මෝදි මෙරට සංචාරයක නිරතවීමට නියමිත බව විදේශ අමාත්‍ය විජිත හේරත් පවසයි. අද (15) පාර්ලිමේතුවේ අදහස් දක්වමින් අමාත්‍යවරයා මේ බව සඳහන් කර ඇත.
එම සංචාරයේදී දෙරට අතර නව ගිවිසුම් කිහිපයක් අත්සන් කිරීමට නියමිත බවයි අමාත්‍යවරයා පැවසුවේ.
එමෙන්ම, ඔහු මෙරටට පැමිණීමෙන් පසු සාම්පූර් බලාගාර ව්‍යාපෘතියට මුල්ගල තැබීමේ උත්සවයටද සහභාගි වීමට නියමිතව ඇත.
පාර්ලිමේන්තුවේදී අදහස් දක්වමින් විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මෙසේ පැවසීය.
මීට කලින් අපිට ණයක් විදිහට හම්බෙච්ච මහව ඉදලා අනුරාධපුර දුම්රිය මාර්ගය සංඥ පද්ධතිය සම්පූර්ණයෙන්ම අපිට ප්‍රධානයක් විදිහට අපිට ලබාදෙන්නේ. ඒවා ණයක් නෙවෙයි. ඉතින් අපි ඒ ඉන්දියානු ගමනෙන් ලබාගත්ත වාසි…
ඒ වගේම අපේ රටේ විවිධ ආගමික ස්ථාන සඳහා පහුගිය කාලය තුළ එකඟතාවයන්ට ආවා ඒ සඳහා සූර්‍ය බලශක්ති පද්ධති ලබාදෙන්න එය තවත් වැඩි කර ගනිමින් අපි අවබෝධතා ගිව්සුම්වලට එළැඹුනා. ඒ කටයුත්තත් තවත් ශක්තිමත්ව ඉදිරියට ගෙන යමින් තියෙනවා. ඒ වගේම වතුකරයේ ජනතාව සඳහා ආධාර ලාබා දෙන එක තවත් වැඩි කරමින් ඒ ව්‍යාපෘති ඉදිරියට ගෙන යනවා…
ඒ රාජත්‍රාන්ත්‍රික ගමනත් එක්ක අපි විශාල ජයග්‍රහණ ප්‍රමාණයක් ලබාගත්තා. අවබෝධතා ගිවිසුම් 15කට අපි අත්සන් තැබුවා. ඒ හරහා මේ 2025 අවුරුද්දේ අපේ පාසල් දරුන්ට නොමිලේ දෙන්න චීනය මැදිහත් වෙලා තියෙනවා.”
