ඉන්දියාවේ අද්විතීය සංගීතඥයකු වන ඒ.ආර්. රහ්මාන් රෝහල ගතකර ඇති බව විදෙස් මාධ්‍යය වාර්තා කරයි.
හදිසි අසනීප තත්ත්වයක් හේතුවෙන් ඔහු චෙන්නායිහි රෝහලකට ඇතුළත් කර ඇති අතර ඊයේ රාත්‍රියේ ලන්ඩනයේ සිට ආපසු පැමිණි විට ඔහුට මෙම අසනීප තත්ත්වය ඇති වී තිබෙන බවයි වාර්තා වෙන්නේ.
ඉන්දීය මාධ්‍ය වැඩිදුරටත් වාර්තා කරන්නේ, රහ්මාන් මේ වනවිට වෛද්‍ය කණ්ඩායමක දැඩි අධීක්ෂණය යටතේ පසුවන බවයි.
රාමසාන් වෙනුවෙන් නිරාහාරව සිටි බැවින් සංගීතඥයා විජලනය හේතුවෙන් අසනීප තත්ත්වයක් ඇති වූ බවද විදෙස් මාධ්‍යය වැඩි දුරටත් සඳහන් කරයි.
