ලිංගික අපයෝජනයන්ට එරෙහිව ප්‍රසිද්ධියේ හඬනැගූ සමාජ ක්‍රියාකාරිනියක් වූ අමෙරිකාවේ වර්ජිනියා ජිෆ්රේ සියදිවි නසාගෙන ඇති බව විදෙස් මාධ්‍ය වාර්තා කරයි.
ඇගේ පවුලේ ඥතීන් තහවුරු කර ඇත්තේ ඊයේ දින (25) මෙය සිදුව ඇති බවයි.
ජිෆ්රේ මිය යනවිට වයස අවුරුදු 41 ක් වන අතර ඇය කෙරෙහි වැඩි කථාබහක් ඇතිකළ පුවතක් වූයේ, බ්‍රිතාන්‍යයේ යෝර්ක් ආදිපාදවරයා වන ඇන්ඩෲ කුමරුට එරෙහිව ප්‍රසිද්ධියේම ලිංගික අපයෝජන චෝදනා එල්ල කිරීමත් සමගයි.
වයස අවුරුදු 17 දී තමන් යෝර්ක් ආදිපාදවරයා වෙත ඇයව ජාවාරම් කළ බවට ඇය චෝදනා කර තිබු අතර නමුත් ඇන්ඩෲ කුමරු එය දැඩි ලෙස ප්‍රතික්ෂේප කර තිබුණි.
ඊට අමතරව ළමා අපයෝජකයෙකු මෙන්ම ළමා ලිංගික අපරාධකරුවෙකු වන අමෙරිකාවේ ජෙෆ්රි එප්ස්ටීන්ට එරෙහිව ද ඇය ප්‍රසිද්ධියේම ලිංගික අපයෝජන චෝදනා එල්ල කලේය.
මේ අතර ජිෆ්රේගේ මියයෑම සම්බන්ධයෙන් ඇගේ ඥාතීන් සිකුරාදා ප්‍රකාශයක් නිකුත් කරමින් කියා සිටියේ ඇය ‘ලිංගික අපයෝජනයට එරෙහි සටනේ දරුණු රණශූරියක්’ බවයි.
ඇයට සිදු වූ අපයෝජනයේ බර දරාගත නොහැකි බවද ඥාතීන් පවසයි.
තමන් මුහුණදුන් ලිංගික අපයෝජනය සහ ලිංගික ජාවාරම් ගැන ජීවිත කාලය පුරාම විඳවීම ඇයව සියදිවි නසා ගැනීමට පෙළඹ වූ බව ඇගේ ඥතීන් වැඩිදුරටත් පවසා ඇති බවයි විදෙස් මාධ්‍ය වාර්තා කරන්නේ.
