Microsoft සමාගම සිය සේවකයින්ගෙන් 3% ක ප්‍රමාණයක්, එනම් සේවකයින් 6000 ක් සේවයෙන් ඉවත් කිරීමට කටයුතු කර ඇති බව විදෙස් මාධ්‍ය වාර්තා කරයි.
පිරිවැය පාලනය කිරීම සහ තවත් හේතු කිහිපයක් මත අවශ්‍ය ආයතනික වෙනස්කම් සිදු කිරීමට සමගාමීව මෙම පියවර ගෙන ඇති බවයි වාර්තා වන්නේ.
මේ වන විට Microsoft සමාගමේ සේවකයින් 228,000 ක් පමණ සේවය කරන අතර පසුගිය 2023 වසරේදී සේවකයින් 10,000 ක ප්‍රමාණයක් ඉවත් කිරීමෙන් අනතුරුව සිදු කරන විශාලතම සේවක කප්පාදුව මෙය ලෙස වාර්තා වේ.
