මෙම වසරේ ජනවාරි මාසයේ සිට මැයි දක්වා කාලය තුළදී කොළඹ ප්‍රාදේශීය සෞඛ්‍ය සේවා අධ්‍යක්ෂ බල ප්‍රදේශයෙන් ලාදුරු රෝගීන් 43 දෙනෙකු හඳුනාගෙන ඇති බව වාර්තා වේ.
මෙම බල ප්‍රදේශයෙන් ඉකුත් වසරේදී (2024) හඳුනාගෙන තිබූ ලාදුරු රෝගීන් සංඛ්‍යාව 181 කි.
මොරටුව, කොළොන්නාව, එගොඩ උයන ආදී ප්‍රදේශවලින් මේ වසරේදී ලාදුරු රෝගීන් හඳුනාගෙන ඇති බව සදහන් වේ.
කෙසේ නමුත් මෙම ලාදුරු රෝගීන්ට අමතරව, කොළඹ ප්‍රාදේශීය සෞඛ්‍ය සේවා අධ්‍යක්ෂ බල ප්‍රදේශයෙන් ක්ෂය රෝගීන් 405 දෙනකු හඳුනාගෙන ඇති බවද වාර්තා වේ
