ඩෙංගු, චිකුන්ගුන්යා, ඉන්ෆ්ලුවෙන්සා සහ කොවිඩ් අවදානම පිළිබඳ මෙරට සෞඛ්‍ය අංශ නිසි අවධානය යොමුකර අවශ්‍ය පියවර ගනිමින් සිටින බව සෞඛ්‍ය අමාත්‍ය වෛද්‍ය නලින්ද ජයතිස්ස පවසයි.
ශ්වසන රෝගීන්ගේ නියැඳි ඇසුරෙන් සිදුකළ පරීක්ෂාවේදී මේ වසරේ මැයි මාසයේදී පමණක් කෝවිඩ් රෝගීන් වාර්තාවීම 7.7%ක් දක්වා ඉහළ ගොස් ඇති බව වසංගත රෝග විද්‍යා අංශය සඳහන් කර ඇත.
ආසියාව පුරා යළි COVID ව්‍යාප්තියක් වාර්තාවන පසුබිමක ශ්‍රී ලංකාවෙන් ද එම වෛරස ප්‍රභේදය හමුව ඇතැයි පසුගියදා අනාවරණය විය.
තවමත් රටතුළ මීට නිසි සූදානමක් නොමැති බවට පාර්ශ්ව කිහිපයක් චෝදනා කරන අතර නමුත් මෙරට සෞඛ්‍ය අංශ අවධාරණය කරන්නේ COVID ව්‍යාප්තියක් හමුවේ ඊට නිසි ප්‍රතිචාර දැක්වීමට දැනටමත් මෙරට සෞඛ්‍ය අංශ අවශ්‍ය පියවර ගෙන ඇති බවයි.
