විදේශ ගතව සිටින කෙහෙල්බද්දර පද්මේ නමැති ප්රබල මත්ද්රව්ය ජාවාරම්කරුට විදේශ ගමන් බලපත්ර 2ක් සකස්කිරීමේ සිද්ධිය සම්බන්ධයෙන් සැකපිට රක්ෂිත බන්ධනාගාර ගත කර සිටින ආගමන හා විගමන දෙපාර්තමේන්තුවේ සහකාර පාලක ඇතුළු සැකකරුවන් තුන්දෙනා ඇප මත මුදා හරින ලෙස කොළඹ මහේස්ත්රාත් අධිකරණය අද (06) නියම කර ඇත.
ඒ අනුව සැකකරුවන් රුපියල් මිලියනය බැගින් වූ ශරීර ඇප දෙකක් මත මුදා හැරීමට කොළඹ ප්රධාන මහෙස්ත්රාත් තනූජා ලක්මාලී නියම කර ඇත.
සැකකරුවන්ගේ විදේශ ගමන් තහනම් කළ අධිකරණය, ඔවුන්ගේ විදේශ ගමන් බලපත්ර අධිකරණයට භාරදිය යුතු බවටත් නියෝගයක් නිකුත් කර ඇත.
ඉන් අනතුරුව නඩුව නොවැම්බර් මස 13 වනදා යළි කැඳවීමට නියම විය.
ඇප ලබා ගැනීමෙන් අනතුරුව අනෙකුත් සැකකරුවන් දෙදෙනා මේ මස 13 වනදා අපරාධ පරීක්ෂණ දෙපාර්තමේන්තුවට ගොස් ප්රකාශයක් ලබාදිය යුතු බවටත් නියෝග කර ඇති බව සදහන් වේ.
