ඉරානයේ ඉස්ලාමීය විප්ලවවාදී ආරක්ෂාක බලකාය විසින් ඊශ්‍රායලයේ බුද්ධි තොරතුරු සහ විශේෂ මෙහෙයුම් සදහා වූ ආයතනය වන මොසාඩ් මූලස්ථානයට ප්‍රහාරයක් එල්ල කර ඇති බව විදෙස් මාධ්‍ය වාර්තා කරයි.
ප්‍රහාරයෙන් අනතුරුව මොසාඩ් මූලස්ථානයේ ගින්නක් හටගෙන ති‌බේ.
විදෙස් මාධ්‍ය වාර්තා පෙන්වා දෙන්නේ බස් රථ නැවතුම්පළකට එල්ල වූ ප්‍රහාරයක් බවට හුවා දක්වමින් ඊශ්‍රායලය මෙම ප්‍රහාරය සිදුවූ බව යටපත් කිරීමට උත්සාහ දැරුවත්, ඉරාන මිසයිල ප්‍රහාරය මඟින් මොසාඩ් මූලස්ථානය සෘජුවම ඉලක්ක කරගෙන ඇති බවයි.
ඊශ්‍රායලයේ මධ්‍යම වෙරළබඩ නගරයක් වන හරිස්ලියා ප්‍රදේශය ඉලක්ක කරගනිමින් ඉරානය විසින් මිසයිල ප්‍රහාරයක් එල්ල කර ඇති බව ඊශ්‍රායල මාධ්‍ය වාර්තා කර ඇත.
