Starlink චන්ද්‍රිකා මත පදනම් වූ අන්තර්ජාල සේවාව ශ්‍රී ලංකාව තුළ එළඹෙන සතිය තුළ කියාත්මක වීම ආරම්භ වන බව ශ්‍රී ලංකා විදුලි සංදේශ නියාමන කොමිෂන් සභාව පවසයි.
එම කොමිසමේ අධ්‍යක්ෂ ජනරාල් එයාර් වයිස් මාර්ෂල් බන්දුල හේරත් පසුගියදා (16) පැවති ප්‍රවෘත්ති සාකච්ඡාවකට එක්වෙමින් සඳහන් කළේ, පළමු සේවා ලාභීන් 12 දෙනාගෙන් පසුව එම සේවාව ආරම්භ වන බවයි.
මෙම සැටලයිට් බ්‍රෝන්ඩ්බෑන්ඩ් සේවාව ලබා දීමට අවශ්‍ය තාක්ෂණික උපකරණ කට්ටල් 112ක් මේ වන විට මෙරටට ගෙන්වා ඇති අතර ඒවායෙන් කට්ටල් 12ක් මේ සතියේ සිය සේවා ලාභීන් වෙත ලබා දීමට කටයුතු ආරම්භ කර අති බවත් ඔහු සඳහන් කර ඇත.
Starlink ආයතනය සැටලයිට් බ්‍රෝන්ඩ්බෑන්ඩ් සේවාව ලබා දීමට අවශ්‍ය තාක්ෂණික උපකරණ කට්ටල් 112ක් ලංකාවට ගෙනල්ලා තියෙනවා. ඒ කට්ටල් අතරින් පළමු තාක්ෂණික කට්ටල් 12 ඔවුන් පාරිභෝගිකයන්ට මේ වන විට බෙදා හරිමින් සිටින්නේ. ඔවුන් අපට දන්වලා තියෙනවා මේ සතිය අවසානයේ ඒ කට්ටල් 12 බෙදා හැරීමෙන් අනතුරුව අපට දන්වනවා කියලා.”
අපගේ අධීක්ෂණය මඟින් මෙම සේවාව තාක්ෂණිකව වඩා යහපත්, ආරක්ෂිතව මෙන්ම පාරිභෝගිකයින්ට නිසි ආකාරයට ලැබේද යන්න සහතික කිරීම කෙරෙහි අවධානය යොමු කෙරෙනවා. ශ්‍රී ලංකා විදුලි සංදේශ නියාමන කොමිෂන් සභාව සහ ආරක්ෂක අමාත්‍යාංශය සතියක නිරීක්ෂණ කාලයකින් පසුව, ලාංකිකයින්ට එහි සේවා පිරිනැමීම පුළුල් කිරීම සඳහා Starlink වෙත බලය පැවරීමට අවශ්‍ය පියවර ගන්නවා”
Starlink වෙබ් අඩවියේ සඳහන් පරිදි නිවාස සඳහා සුදුසු පැකේජයේ මාසික ගාස්තුව රුපියල් 15,000ක් වන අතර ඒ සඳහා අවශ්‍ය තාක්ෂණික උපකරණ සඳහා රුපියල් 118,000ක් අය කරනු ලබයි.
මෙම සේවාව ඔස්සේ සීමා රහිත අන්තර්ජාල සේවාවක් ලබා දෙනු ලබන අතර මෙම ගාස්තු සඳහා බදු ඇතුළත් ද යන්න එහි සඳහන් කර නොමැත.
කෙසේ නමුත් දැනට එම සමාගම ශ්‍රී ලංකාව සඳහා හඳුන්වා දී ඇත්තේ මෙම පැකේජය පමණක් බව ඔවුන්ගේ වෙබ් අඩවිය පරික්ෂා කිරීමේ දී දැකගත හැකි වේ.
