කඳාන, පොදු වෙළෙඳසැල අසලදී පුද්ගලයෙකු වෙඩි තබා ඝාතනය කර තවත් පුද්ගලයෙකුට තුවාල සිදු කිරීමේ සිද්ධියට සම්බන්ධ පුද්ගලයින් දෙදෙනෙකු අත්අඩංගුවට ගෙන ඇති බව වාර්තා වේ.
පොලීසිය පැවසුවේ ලද තොරතුරකට අනුව කඳාන රූපමුල්ල හංදිය සහ කඳාන නගරයේ කළ සෝදිසි මෙහෙයුමකදී සැකකරුවන් අත්අඩංගුවට ගැනීමට හැකි වූ බවයි.
යතුරු පැදියකින් පැමිණි සැකකරුවන් දෙදෙනෙකු විසින් මෝටර් රථයකින් ගමන් කරමින් සිටි පුද්ගලයින් දෙදෙනෙකු ඉලක්ක කර කඳාන ප්‍රදේශයේදී පසුගිය 03 වනදා වෙඩි තැබීමක් සිදුකර තිබුණි.
එහිදී වෙඩි වැදීමෙන් තුවාල ලැබූ පුද්ගලයින් දෙදෙනා රාගම රෝහලට ඇතුළත් කිරීමෙන් අනතුරුව එක් පුද්ගලයෙකු මිය ගියේය.
සිද්ධියට අදාළව අත්අඩංගුවට ගෙන ඇත්තේ 25 සහ 26 හැවිරිදි කඳාන ප්‍රදේශයේ පදිංචි කරුවන් දෙදෙනෙක් බව පොලිසිය පැවසීය.
