විදේශීය රටක නිෂ්පාදිත මයික්‍රෝ වර්ගයේ ගිනි අවියක් සන්තකයේ තබාගෙන සිටි හිටපු හමුදා සෙබළකු පිළියන්දල විහාරස්ථානයක සැඟව සිටියදී අත්අඩංගුවට ගත් බව අපරාධ පරීක්ෂණ දෙපාර්තමේන්තුව පවසයි.
අපරාධ පරීක්ෂණ පරීක්ෂණ දෙපාර්තමේන්තුවේ මනුෂ්‍ය ඝාතන හා සංවිධානාත්මක අපරාධ විමර්ශන අංශයේ විමර්ශන ගොනුවකට අදාළව එම අංශයේ නිලධාරීන් කණ්ඩායමක් පිළියන්දල ප්‍රදේශයට ගොස් විමර්ශනය කර සැකකරු අත්අඩංගුවට ගෙන ඇති බවයි තොරතුරු වාර්තා වන්නේ.
අත්අඩංගුවට ගත් සැකකරු වයස අවුරුදු 51 ක් වන පිළියන්දල මිරිස්වත්ත පදිංචිකරුවෙකි.
