තමා විපක්ෂයේ සිටියදී මඩ හෝ ගොයම් කෑ බවට වන චෝදනා ඔප්පු කළහොත් තම අමාත්‍ය ධුරයෙන් ඉල්ලා අස්වන බව කෘෂිකර්ම නියෝජ්‍ය අමාත්‍ය නාමල් කරුණාරත්න පවසයි.
එසේම ඔහු අවධාරණය කළේ ඇතැම් පුද්ගලයන් මාධ්‍ය හමුවේ පෙනී සිටිමින් තමා විපක්ෂයේ සිටියදී මඩ සහ ගොයම් කෑ බව පවසන නමුත්, එම ප්‍රකාශ සම්පූර්ණයෙන්ම අසත්‍ය බවයි.
ඒ අනුව නියෝජ්‍ය අමාත්‍යවරයා පෙන්වා දුන්නේ වත්මන් ආණ්ඩුව බලයට පත්වීමෙන් අනතුරුව වී කිලෝවක නිෂ්පාදන වියදම විශාල වශයෙන් පහත වැටී ඇති බවයි.
තවද වර්තමාන ආණ්ඩුව බලයට පත්වන විට රුපියල් 99ක්ව පැවති වී කිලෝවක නිෂ්පාදන වියදම මේ වන විට රුපියල් 78 දක්වා පහත බැස ඇති බවත් මේ නිසා වී කිලෝවකට වන අවම සහතික මිල යටතේ ගොවීන්ට ඉහළ වටිනාකමක් හිමිවන බවත් ඔහු පවසයි.
