ගම්වාසීන්ගේ විරුද්ධත්වය හේතුවෙන් මේ වසරේ කිලෝමීටර් 315ක් ආවරණය කෙරෙන විදුලිවැට ඉදිකිරීමේ ව්‍යාපෘති 26ක වැඩ කටයුතු ක්‍රියාත්මක කළ නොහැකි තත්ත්වයට පත්ව ඇති බව වනජිවි හා වන සම්පත් සංරක්ෂණ අමාත්‍යාංශය ප්‍රකාශ කළා.
මේ වසරේ විදුලිවැට ව්‍යාපෘති 125ක් ක්‍රියාත්මක කිරීමට සැලසුම් කර තිබූ අතර ඉන් ආවරණය වන සමස්ත දුර ප්‍රමාණය කිලෝමීටර් 1559යි දශම 9ක්.
ඉන් කිලෝමීටර් 121 යි දශම 5 ක් ඇතුළත් ව්‍යාපෘති 7ක් මුළුමනින්ම අවසන් කර ඇති අතර තවත් 33ක් දැනටමත් ඉදි කෙරෙමින් පවතිනවා.
එමෙන්ම, ප්‍රතිපාදන හා උපකරණ නොමැතිකම හේතුවෙන් ව්‍යාපෘති 52ක් නවතා දමා ඇති බවයි වනජිවි හා වන සම්පත් සංරක්ෂණ අමාත්‍යාංශය සඳහන් කළේ.
47
/ 100
SEO Score
