දරුවන් පිරිසක් පදවාගෙන පැමිණි ලොරි රථයක් නිට්ටඹුව ප්රදේශයේදී අනතුරකට ලක්ව තිබේ.
අනතුර සිදුවීමෙන් අනතුරුව ලොරි රථය නොනවත්වා ඉදිරියට ධාවනය කර ඇති අතර පසුව පොලීසිය ලොරි රථය නතරකරගැනීමට සමත්ව ඇත.
එහිදී සිදුකළ ප්රශ්නකිරීම්වලදී අනාවරණය වී ඇත්තේ අදාළ ළමුන් පිරිස නුවරඑළිය ප්රදේශයේ ළමා නිවාසයක සිට මුහුද බැලීම සඳහා යමින් සිටියදී මෙලෙස අනතුරට ලක්ව ඇති බවය.
එම ලොරි රථයේ ළමුන් සිව්දෙනෙකු සිට ඇති අතර අනතුරින් කිසිවෙකුටත් තුවාල සිදුව නොමැත.
මෙම ළමුන් 16,12 සහ 11 හැවිරිදි වියේ පසුවන බවට තොරතුරු අනාවරණය වී තිබේ.
මීගමුව ප්රදේශයේ ළමා නිවාසයක සිට නුවරඑළිය ප්රදේශය ළමා නිවාසයක් වෙත මාරුකර යැවූ දරුවෙකුද ඒ අතර සිට ඇත.
ඔහුගේ මග පෙන්වීම අනුව මෙම දරුවන් පිරිස මුහුද බැලීම සඳහා මීගමුව ප්රදේශයට යමින් සිටියදී මෙම අනතුර සිදුව තිබේ.
ඒ සඳහා අදාළ දරුවන් ළමා නිවාසයේ ලොරි රථයේ යතුර සොරකම් කර එය පදවාගෙන මෙලෙස පැමිණ ඇත.
