ත්රස්තවාදය වැළැක්වීමේ පනත යටතේ චෝදනා ඉදිරිපත් කරමින් අන්තර් විශ්ව විද්යාල ශිෂ්ය බල මණ්ඩලයේ කැඳවුම්කරු වසන්ත මුදලිගේ කොළඹ ප්රධාන මහේස්ත්රාත්වරයා විසින් නිදහස් කිරීමට සිදු කරන ලද නියෝගය සම්බන්ධයෙන් අභියාචනයක් ඉදිරිපත් කරන ලෙස පොලීසිය නීතිපතිවරයාගෙන් ඉල්ලීමක් කර ඇත.
ඒ අනුව, මෙම නියෝගය සම්බන්ධයෙන් පවතින නෛතික විධි විධාන අනුව, අභියාචනයක් ඉදිරිපත් කරන ලෙස පොලිස් මූලස්ථානය, නීතිපතිවරයාගෙන් ඉල්ලීමක් කළ බව පොලිස් මාධ්ය ප්රකාශක කාර්යාලය පවසයි.
2022 වසරේ අගෝස්තු 18 වැනිදා අත්අඩංගුවට ගත් වසන්ත මුදලිගේ මාස 5කට අධික කාලයක් රඳවා සිටි අතර ත්රස්තවාදය වැළැක්වීමේ පනත යටතේ ඔහුට ඉදිරිපත් කරන ලද චෝදනා පැමිණිල්ල විසින් නිර්මාණය කරන ලද ඒවා බව සඳහන් කරමින්, ඒවා බැහැර කළ ප්රධාන මහේස්ත්රාත් ප්රසන්න අල්විස් විසින් වසන්ත මුදලිගේව පෙරේදා (31) නිදහස් කළේය.
මෙම පැමිණිල්ල පොලීසියේ ත්රස්ත මර්දන හා විමර්ශන කොට්ඨාසය විසින් සිදු කරන ලදී.
