පත්කළ ජනාධිපති රනිල් වික්රමසිංහ විසින් නිකුත් කර ඇති නව නියෝගය හේතුවෙන් වත්මන් මැතිවරණ ක්රියාවලියට තවත් බාධාවක් එල්ලවී ඇතැයි වාර්තා වේ.
මේ වනවිට කැඳවා ඇති පළාත් පාලන මැතිවරණය පැවැත්වීම සඳහා මැතිවරණ කොමිසම මේ වනවිට සූදානම් වෙමින් සිටින අතර එහි මූලික කටයුතු සිදුකරනුයේ ණය පදනම මත බවද මැතිවරණ කොමිෂන් සභා ආරංචි මාර්ග සඳහන් කරයි.
මැතිවරණ කොමිසම මෙතෙක් පැවැත්වූ සෑම මැතිවරණයකදීම භාණ්ඩ හා සේවා ලබාගත්තේ ණය පදනම මත වන අතර ඊට අදාළ මුදල් පසුව විටින් විට නිදහස් කිරීම සිදුකිරීම සාමාන්ය ක්රියාවලිය ලෙස සිදුකරගෙන ගොස් තිබේ.
එහෙත්, රාජ්ය ආයතන ණය පදනම මත භාණ්ඩ සහ සේවා මිලදී නොගත යුතු බවත් එම නියෝගය කඩ කරන රාජ්ය නිලධාරීන් අදාළ වියදම්වලට පෞද්ගලිකව වගකිව යුතු බවටත් ජනාධිපතිවරයා පෙරේදා (31) අලුත් නියෝගයක් නිකුත් කළේය.
එම නව නියෝගය හේතුවෙන් මැතිවරණ කොමිසමට ණය පදනම මත ඉන්ධන ලබාදීම, මුද්රණ කටයුතු සිදුකිරීම, රාජ්ය සේවකයන්ගේ සේවය ලබාගැනීම ආදී කටයුතුවලට තවත් බාධාවක් එල්ලවී ඇතැයි ද වාර්තා වේ.
ජනාධිතිවරයා මෙලෙස හදිසියේම නියෝගයක් නිකුත් කළේ පළාත් පාලන මැතිවරණය ඉලක්ක කරගෙනම යැයි ඇතැම් පිරිස් සැකපහළ කරති.
