බොරැල්ල පොලිස් වසමේ, බේස්ලයින් මාවත, හල්ගහකුඹුර ප්රදේශයේදී ඊයේ (පෙබ. 13) රාත්රී සිදු වූ වෙඩි වැදීමකින් කාන්තාවක ජීවිතක්ෂට පත් වී තිබේ.
පොලිස් මාධ්ය කොට්ඨාසය සඳහන් කළේ, යුද්ධ හමුදා සෙබළුන් දෙදෙනෙකු, සැකකරුවෙකු සිය භාරයට ගැනීමට යාමේදී ගිනි අවිය ක්රියාත්මක වී එම ස්ථානයේ සිටි කාන්තාවක තුවාල ලබා ඇති බව ය.
පසුව ඇය රෝහල්ගත කිරීමෙන් අනතුරුව මිය ගොස් ඇත.
මරණකාරිය වයස අවුරුදු 25ක හල්ගහකුඹුර ප්රදේශයේ පදිංචිකාරියක බව පොලිසිය පැවසීය.
එම වෙඩි තැබීම සම්බන්ධයෙන් අදාළ යුද්ධ හමුදා සෙබළුන් දෙදෙනා බොරැල්ල පොලිස් ස්ථානය මගින් අත්අඩංගුවට ගෙන ඇත.
මෘත ශරීරය කොළඹ ජාතික රෝහලේ තැන්පත් කර ඇති අතර බොරැල්ල පොලිසිය වැඩිදුර විමර්ශන සිදු කරයි.
