ශ්රී ලංකා ක්රිකට් ක්රීඩක කුසල් මෙන්ඩිස් රෝහල් ගත කර තිබෙනවා.
ඒ, පාකිස්තානය සමග මේ වන විට පැවැත්වෙන මෙවර ලෝක කුසලාන එක්දින ක්රිකට් තරගාවලියේ 8 වැනි තරගයේ දී මුහුණ දුන් ආබාධයක් හේතුවෙන්.
තරගයේ කාසියේ වාසිය දිනා පළමුව පන්දුවට පහරදුන් ශ්රී ලංකාව කඩුලු 9 ක් දැවී ලකුණු 344 ක් රැස් කළා.
ශ්රී ලංකා ඉනිම වෙනුවෙන් කුසල් මෙන්ඩිස් පන්දු 77කින් ලබා ගත් ලකුණු සංඛ්යාව 122 ක්. හයේ පහර 6කින් හා හතරේ පහර 14 කින් ඔහුගේ ඉනිම වර්ණවත් වුණා.
එම ඉනිම අතරතුර දී සිදු වූ ආබාධයක් (cramps) හේතුවෙන් වැඩිදුර වෛද්ය පරීක්ෂණ සිදු කිරීම සදහා ඔහුව රෝහල්ගත කිරීමටයි පියවර ගෙන ඇත්තේ.
ඔහුගේ අබාධ තත්ත්වය පිලිබඳ තවමත් නිල නිවේදනයක් නිකුත් කොට නොමැති අතර, ඔහු වෙනුවට පිටියේ පන්දු රැකීම සඳහා දුෂාන් හේමන්ත කැඳවා තිබෙනවා.
කඩුලු රැකීමේ වගකීම සදිර සමරවික්රම වෙත පැවරී තිබෙනවා.
