ඉන්දුනීසියාවේ බටහිර සුමාත්‍රා දූපතේ පිහිටි මරාපි ගිනිකන්ද යළි විදාරණය වී තිබේ.
ඒ අනුව කිලෝමීටර් 1.3ක් තරම් ඉහළට ගිනි කන්දේ අළු විදාරණය වෙමින් පවතින බවට විදෙස් මාධ්‍ය වාර්තා කරයි.
මේ වන විට එම ගිනිකන්ද අවට කිලෝමීටර 5 කට ආසන්න වට ප්‍රමාණයක ජනතාවට ඉවත්වන ලෙසට දැනුම් දී ඇත. මරාපි බෑවුම්වල පුද්ගලයින් 1,400 ක් පමණ ජීවත් වෙති.
ගිනි කඳු විදාරණය හේතුවෙන් ඒ අවට පිහිටි නිවාස, වගාබිම් සහ රථවාහන සියල්ලම පාහේ අලුවලින් වැසී ගොස් ඇතැයි ද සදහන් වේ.
මීට සති හයකට පෙර එම ගිනි කන්ද විදාරණය වීම හේතුවෙන් කඳු නගින්නන් 24 දෙනෙකු මියගොස් තිබුණි. තවත් කිහිප දෙනෙකුට තුවාල සිදුවිය. එසේම පසුගියවර ගිනි කන්ද විදාරණය වූ අවස්ථාවේ එහි අළු අඩි 4,300 ක් ඉහළ අහසට නැගී තිබූ බව සඳහන්ය.
