මෙක්සිකෝවේ Nuevo Leon ප්‍රාන්තයේ පැවති මැතිවරණ ප්‍රචාරක රැළියක වේදිකාවක් කඩා වැටීමෙන් 9 දෙනෙකු පමණ ජීවිතක්ෂයට පත්ව ඇති අතර, 50 දෙනකු පමණ තුවාල ලබා ඇතැයි අල් ජසීරා පුවත් සේවය වාර්තා කරනවා.
San Pedro Garza Garcia නගරයේදී මෙම ප්‍රචාරක රැළිය පවත්වා ඇති අතර, වේදිකාව කඩා වැටෙන අවස්ථාවේදී ජනාධිපති අපේක්ෂක ජෝර්ජ් අල්වාරෙස් මේනෙස් ජනතාව අමතමින් සිට තිබෙනවා.
එක්ස් සටහනක් තබමින් ජනාධිපති අපේක්ෂක මේනෙස් ප්‍රකාශ කළේ, නගරයට බලපෑ දැඩි සුළං තත්වය හේතුවෙන් වේදිකාව කඩා වැටෙන්නට ඇතැයි තමන් විශ්වාස කරන බවයි.
මිනිසුන් වේදිකාව මත සිටියදී කොටසක් කඩා වැටෙන අයුරු දිස්වෙන වීඩියෝවක් සමාජ මාධ්‍යයන්හි සංසරණය වන බවත්, ජනාධිපති මේනෙස් පැමිණ සිටි ජනතාවට අත වනමින් ආරක්‍ෂිත ස්ථානයක් කරා දිව යන අයුරු එහි දිස්වෙන බවත්, විදෙස් මාධ්‍ය වැඩිදුරටත් වාර්තා කර තිබෙනවා.
52
/ 100
SEO Score
