අඟුණුකොලපැලැස්ස බන්ධනාගාරයෙන් පළා ගිය සිරකරුවන් සිව් දෙනෙකුගෙන් දෙදෙනෙකු මාවැල්ල වරායේදී අත්අඩංගුවට ගෙන තිබේ.
තංගල්ල පොලිසිය විසින් ඊයේ සවස එම සිරකරුවන් දෙදෙනා අත්අඩංගුවට ගෙන තිබෙනවා. ඔවුන් අම්බලන්තොට ප්‍රදේශයේ පදිංචිකරුවන් බව තංගල්ල පොලිසිය සඳහන් කලා.
හෙරොයින් ළඟ තබා ගැනීමේ චෝදනා මත බන්ධනාගාරගතව සිටි මෙම සිරකරුවන් සිව්දෙනා අඟුණුකොලපැලැස්ස බන්ධනාගාරයේ එළිමහන් කටයුතුවල නිරත වෙමින් සිටියදී පසුගිය අඟහරුවාදා පැන ගොස් තිබුණා.
ඒ අනුව අවට ප්‍රදේශයේ සෝදිසි මෙහෙයුමක් ආරම්භ කර තිබුණා.
අත්අඩංගුවට ගත් සිරකරුවන් සම්බන්ධයෙන් තංගල්ල පොලිසිය අධිකරණයට කරුණු ඉදිරිපත් කිරීමෙන් පසු එම සිරකරුවන් අඟුණුකොලපැලැස්ස බන්ධනාගාරයට භාරදීමට නියමිතයි.
54
/ 100
SEO Score
