සිරස voice වේදිකාව සැරසූ කවිනු සෙනරත් පතිරණ ඔහුගේ නවතම ගීතය වන “රෑ තරු පවා” ශ්‍රී ලංකාවේ ගීත සන්නාමයන්හි අංක එක හිමිකරගෙන ඇති M Entertainment හරහා එළි දක්වා තිබෙනවා.
කවිනු සෙනරත් පතිරණ මාතර රාහුල විද්‍යාලයේ සිය මූලික අධ්‍යාපනය ලැබ දැනට ශ්‍රී ජයවර්ධනපුර සරසවියේ උපාධි පාඨමාලාව සදහා තේරී පත්ව ඇත. ළමා කාලයේ සිටම තම ගායනා කුසලතාවය වර්ධනය කරගත් කවිනු වාදනයට ද දක්වන්නේ විශේෂ කුසලතාවයක්.
දැනට ගීත 4ක් එළි දක්වා ඇති කවිනු සෙනරත් පතිරණ ඔහුගේ නමින් යූ ටියුබ් චැනලයක් පවත්වාගෙන යයි. තම ගීත සදහා ගායනය, තනු නිර්මාණය මෙන්ම සියලුම ගීතයේ නිර්මාණයන් තමා විසින් ම සිදු කර ඇති ඔහු ඉතා දක්ෂ සංගීත ශිල්පියෙක් වීමේ තම පැතුම හඹා ගමන් කරමින් සිටී. ගීත සදහා පද රචනයන් තම මෑණියන්, ශ්‍රී ලංකා ගුවන් විදුලි සංස්ථාවේ වැඩසටහන් නිෂ්පාදිකාවක මෙන්ම නිවේදිකාවක වන තිලකා ජයවික්‍රම විතානගේ අතින් හැඩගැන්වී තිබීම සුවිශේෂ අවස්ථාවකි.
මෙහිදී තම ජීවිතයේ දිශාව තීරණය කරමින් ඒ සදහා අවස්ථාව හිමිකර දුන් ආදරණීය පියාණන් ඉන්දික සෙනරත් පතිරණ මෙන්ම ආදරණීය මල්ලී සමිරු ද ඔහු විශේෂයෙන් සිහිපත් කර සිටී.
ගීතය අසා ඒ ගැන අදහසක් එක් කරන ලෙසත්, තම යූ ටියුබ් චැනලය subscribe කර තමාට සහාය දක්වන ලෙසත් ඔහු තම ආදරණීය ප්‍රේක්ෂක ජනතාවගෙන් අපේක්ෂා කරයි.
සින්දුව මෙතැනින් අහන්න.
