ශ්‍රී ලංකා පොලිසියේ නිල යූටියුබ් නාලිකාව සයිබර් ප්‍රහාරයකට ලක්ව තිබෙනවා.
පොලිස් මාධ්‍ය ඒකකය සඳහන් කළේ, මේ වනවිට එහි පාලනය සම්පූර්ණයෙන් එහි පරිපාලකයින් අතින් ගිලිහී ගොස් ඇති බවයි.
ඊයේ (30) සවස 7.30ට පමණ මෙම සයිබර් ප්‍රහාරය එල්ල වී ඇති බව සඳහන්ය.
මේ වනවිට එය කඩිනමින් යථාවත් කිරීමට අවශ්‍ය කටයුතු ආරම්භ කර ඇති බව පොලිස් නිල ෆෙස්බුක් පිටුවේ විශේෂ නිවේදනයක් නිකුත් කරමින් පොලීසිය පවසනවා.
