පිටකොටුව, පීපල්ස් පාර්ක්හි පිහිටි මිහිරි නම් ආපන ශාලාවකින් (Mihiri Hotel) මිලදීගත් පැණි බීම බෝතලයක් පානය කිරීමෙන් පසුව රෝගාතුර වූ 19 හැවිරිදි තරුණියක් දැඩි සත්කාර ඒකකයට ඇතුලත් කරනු ලැබූ සිදුවීමක් අප විසින් මීට පෙර වාර්තා කරනු ලැබීය.
අදාල සිදුවීම සම්බන්ධව පොලීසිය අනාවරණය කරගෙන ඇත්තේ ආපන ශාලාවෙන් පැණි බීම වෙනුවට පිරිසිදුකාරක අඩංගු බෝතලයක් අත්වැරදීමකින් ඇයට ලබාදී ඇති බවය.
සිද්ධිය පිළිබඳව ඇගේ ඥාතීන්ගේ පැමිණිල්ලක් මතයි වේල්ලවීදිය පොලීසිය අදාළ ආපන ශාලාවේ සේවකයන් තිදෙනෙකුගෙන් ප්‍රකාශ සටහන් කරගෙන ඇත්තේ.
එහිදී ඔවුන් පවසා ඇත්තේ, ආපනශාලාවේ ප්‍රධාන ශාඛාවෙන්, හිස් පැණි බීම බෝතල්වල දමා පිරිසිදුකාරක ආපනශාලාව වෙත එවන බවක්.
මේ හේතුවෙන් පැණි බීම හා අදාළ පිරිසිදුකාරක හඳුනාගැනීමට නොහැකිව සේවකයෙකු විසින් අත්වැරදීමකින් පැණි බීම වෙනුවට පිරිසිදුකාරක බහාලූ බෝතලයක් තරුණියට ලබාදී ඇති බව ඔවුන් පවසා තිබෙනවා.
අදාළ ආපන ශාලාවේ තිබී තවත් එකී පිරිසිදුකාරක ඇතුළත් බෝතල් කිහිපයක් සොයා ගත් බවයි පොලීසිය පවසන්නේ.
මේ අතර අදාල සිදුවීම සම්බන්ධව EGB සිසිල් බීම නිශ්පාදනය කරනු ලබන Elephant House සමාගම විසින් ද නිවේදනයක් නිකුත් කොට තිබෙනවා.
අදාල නිවේදනය පහතින්,
කෙසේ වෙතත් මේ පිළිබඳව අදහස් දක්වමින්, ඇසිඩ් දියර ශරීරගතව රෝහල්ගත කල තරුණියගේ පර්ශවයෙන් චෝදනා කරනු ලබන්නේ ඇය විසින් පානය කරනු ලැබුවේ සීල් සහිත EGB බෝතලයක් බවයි. පසුව එය නිවැරදි කිරීමකට ලක් කරමින් ඔහු විසින් පෝස්ටුවක් ද මෙලෙස පලකොට තිබුනා.
