ගණේමුල්ලේ සංජීව ඝාතනයේ මහමොළකාරිය රටින් පැනලද ? විස්තරය මෙන්න!

1 Min Read

පාතාල කල්ලි නායක ගණේමුල්ලේ සංජීව අලුත්කඩේ අධිකරණයේදී වෙඩිතබා ඝාතනය කිරීමේ සිද්ධියේ මහමොළකාරිය ලෙස සැළකෙන ඉෂාරා සෙව්වන්දි නමැති තරුණිය මුහුදු මාර්ගය ඔස්සේ බෝට්ටුවකින් ඉන්දියාවට පළායන්නට ඇති බවට විමර්ශන නිලධාරීන් සැකකරන බව ‘දිවයින’ පුවත්පත වාර්තා කරයි.

එම වාර්තාවට අනුව, මේ වනවිට මෙම සැකකාරිය සැඟවී සිටින බවට ලැබුණු ස්ථාන 200කට ආසන්න සංඛ්‍යාවක් පරීක්ෂා කළද ඇය පිළිබඳව කිසිදු තොරතුරක් සොයාගන්නට අපොහොසත් වූ බව ද විමර්ශන නිලධාරීන් පවසයි

ගණේමුල්ලේ සංජිව ඝාතනයෙන් දින දෙකක් ගත වූ පසු ඉෂාරා සෙව්වන්දි කළුතර ප්‍රදේශයට ගොස් රන් ආභරණ අලෙවිසැලකින් රුපියල් ලක්ෂ 5ක් පමණ වටිනා ආභරණ රැගෙන ගොස් තිබූ බවට ලැබුණු තොරතුරෙන් පසු ඇය පිළිබඳව කිසිදු වැදගත් තොරතුරක් ලැබී නැති අතර එම සැකකාරිය ජංගම දුරකථන පරිහරණය නතර කර ඇති නිසා ඇය පිළිබඳ කිසිදු හෝඩුවාවක් සොයාගැනීමට නොහැකි බව පොලිසිය පවසයි.

සැකකාරිය දකුණු පළාතේ මුහුදු තීරය ඔස්සේ බෝට්ටුවකින් රටින් පළායන්නට ඇති බවට විශාල සැකයක් මේ වනවිට මතු වී තිබෙන බවද පොලිසිය කියා සිටියි.

Share This Article
Leave a Comment