රක්ෂිත බන්ධනාගාරගත කෙරුණු හිටපු පොලිස්පති දේශබන්දු තෙන්නකෝන් අඟුණකොළපැලැස්ස බන්ධනාගාරය වෙත රැගෙනගොස් ඇති බව වාර්තා වේ.
දේශබන්දු තෙන්නකෝන් එහි සාමාන්‍ය වාට්ටුවක රඳවා ඇති බව‍යි තොරතුරු වාර්තා වෙන්නේ.
අධිකරණයෙන් සැඟවී දින 20ක් ගත වීමෙන් අනතුරුව අද (19) පෙරවරුවේ මාතර මහෙස්ත්‍රාත් අධිකරණයට භාරවූ දේශබන්දු තෙන්නකෝන් හෙට (20) දිනය දක්වා රක්ෂිත බන්ධනාගාරගත කිරීමට නියෝග කෙරුණි.
එම අවස්ථාවේදී දේශබන්දු තෙන්නකෝන් සිය නීතීඥවරුන් මාර්ගයෙන් සිදු කළ ඇප යෝජනාවට සුදුසු නියෝගයක් හෙට දිනයේ ලබා දෙන බවට මහේස්ත්‍රාත්වරයා තීන්දු කර ඇත.
