හෙරොයින් කිලෝග්‍රෑම් 29ක් ළඟ තබාගෙන සිටි 42 හැවිරිදි පුද්ගලයෙකු අත්අඩංගුවට ගෙන ඇති බව වාර්තා වේ.
අමරසිංහ කංකානම්ගේ ප්‍රගීත් නිලංක නම් එම පුද්ගලයා ප්‍රභල මත්ද්‍රව්‍ය ජාවාරම්කරුවෙකු වන ඩුබායි රාජ්‍යයේ සැගවී සිටින මාදොඹගේ චරිත් සදකැළුම් නොහොත් රං මල්ලීගේ ගොලයකු වන අතර මෙම මත්ද්‍රව්‍ය ලබා දි තිබෙන්නෙ ඔහු විසින් බව අනාවරණය කරගෙන ඇත.
පොලිස් මත්ද්‍රව්‍ය නාශක කාර්යාංශය (Narcotics) විසින් සිදුකළ වැටලීමකදී මෙම මත්ද්‍රව්‍ය තොගය සොයාගෙන ඇති අතර මෙම පුද්ගලයා දේශබන්දු තෙන්නකෝන් සමග සෘජු සමීප සබඳතා පැවැත් වු අයෙක් බවයි තොරතුරු වාර්තා වන්නේ.
දික්වැල්ල, ඌරුගමුව ප්‍රදේශයේදී සිදුකළ වැටලීමකදී මෙම පුද්ගලයාව අත්අඩංගුවට ගෙන ඇති අතර මෙම මත්ද්‍රව්‍ය තොගයේ වටිනාකම රුපියල් ලක්ෂ 4000ක් පමණ වන බවද වාර්තා වේ.
කෙසේ නමුත් මේ වන විට දේශබන්දු අත්අඩංගුවට ගැනීමත් සමග පූර්ණකාලීනව දේශබන්දු සමග සබඳතා පැවැත්වූ පුද්ගලයන් 17 දෙනෙකුට වැඩි ප්‍රමාණයකගේ නිවෙස් සහ ව්‍යාපාරික ස්ථාන පරීක්ෂා කිරිම් කර ඇති අතර කොළඹ අළුත්කඩේ වේල්ලවීදිය ප්‍රදේශයේ පුද්ගලයෙකුගේ නිවස පරීක්ෂා කිරීමේදී හෑෂ් මත්ද්‍රවයය කිලෝග්‍රෑම් 18කට වැඩි ප්‍රමාණයක්ද සොයාගෙන ඇත.
