පොලිස්පති දේශබන්දු තෙන්නකෝන් මහතා පොලිස්පති ධුරයෙන් ඉවත් කිරීම සඳහා වූ පරීක්ෂණ කමිටුවක් පත් කිරීමේ යෝජනාව අද (08) පාර්ලිමේන්තුවේදී සම්මත විය.
එම යෝජනාව ජාතික ජන බලවේගයේ පාර්ලිමේන්තු මන්ත්‍රිනී ලක්මාලී හේමචන්ද්‍ර මහත්මිය විසින් ඉදිරිපත් කළා.
එහිදී පැවති ඡන්ද විමසීමේදි ඒකමතිකව එම යෝජනාව සම්මත විය.
යෝජනාවට පක්ෂව ඡන්ද 151ක් ලැබුණු අතර විපක්ෂව ඡන්ද කිසිවක් නොලැබුණු අතර, ඡන්ද විමසීමේදී මන්ත්‍රීවරුන් 73 දෙනෙකු නොපැමිණි බව සඳහන් වේ.
විශේෂයෙන්, SJB මන්ත්‍රීවරුන් තිදෙනෙකු වන මුජිබර් රහ්මාන්, අජිත් පී. පෙරේරා සහ නිසාම් කරිප්පර්, විපක්ෂ මන්ත්‍රී රාමනාදන් අර්චුනා සහ දෙමළ පක්ෂවල මන්ත්‍රීවරුන් කිහිප දෙනෙකු පක්ෂව ඡන්දය දුන්හ.
විෂමාචාරය සහ ධුරයේ බලතල බරපතල අන්දමින් අනිසි ලෙස යොදා ගැනීම සම්බන්ධයෙන් ඒ මහතා ධුරයෙන් ඉවත් කිරීම සඳහා මෙම පරීක්ෂණ කමිටුවක් පත්කළ යුතු බවට මන්ත්‍රීවරිය විසින් පාර්ලිමේන්තුවේදී අදහස් දක්වමින් යෝජනා කළා.
