ජනාධිපති කාර්යාලයේ භාවිතයෙන් ඉවත් කර ඇති සුඛෝපභෝගී වාහන විකිණීම​ට මිල ගණන් කැඳවයි!

ජනාධිපති කාර්යාලයේ සුඛෝපභෝගී වාහන සහ භාවිතයෙන් ඉවත් කර ඇති වාහන 27 ක් විකිණීම සඳහා දෙවැනි අදියර යටතේ මිල ගණන් කැඳවා ඇති බව වාර්තා ​වේ.

ජනාධිපති මාධ්‍ය අංශය ප්‍රකාශ කළේ, විකිණීමට නියමිත මෙම වාහන 1991 ත් 2016 ත් අතර වසර වන නිෂ්පාදිත ​ඒවා බවයි.

මෙම වාහන අතර, බී. එම්. ඩබ්. මෝටර් රථ 02ක්, ෆෝර්ඩ් එවරස්ට් ජීප් රථ 02ක්, හුන්ඩායි ටෙරකන් ජීප් රථයක්, ලෑන්ඩ් රෝවර් ජීප් රථ 02ක්, මිට්සුබිෂි මොන්ටේරෝ රථයක්, නිසාන් පෙට්‍රල් රථ 03ක්, සහ නිසාන් වර්ගයේ මෝටර් කාර් 02ක් ඇත.

ඊට අමතරව, පෝර්ෂ් කේයින් මෝටර් රථයක්, ස්සෑන් යං රෙක්ස්ටන් වර්ගයේ ජීප් රථ 05ක්, ලෑන්ඩ් කෘසර් සහරා වර්ගයේ ජීප් රථයක්, වී 08 රථ 06ක් සහ මිට්සුබිෂි රෝසා වර්ගයේ වායු සමීකරණය කළ බස් රථයක් ද වන බවයි ජනාධිපති මාධ්‍ය අංශය නිකුත් කළ නිවේදනයේ සඳහන් වේ.