කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස් ඇති බව වාර්තා වේ.
මෙම සිදුවීම වාර්තා වූයේ අලුතින් රැස්වූ ප්‍රාදේශිය සභාවේ පළමු දිනයේදී, ඔහු මන්ත්‍රීවරයකු ලෙස දිවුරුම් දී පැය 24ක් ගත වීමටත් මත්තෙනි.
කලවාන පොලිසිය පැවසුවේ, දෙල්ගොඩ ජනපදය ප්‍රදේශයේ දී පුෂ්පකුමාර අධි බලැති විදුලි රැහැනක් අසල ගසක අත්තක් ඉවත් කිරීමට උත්සාහ කළ අවස්ථාවේ මෙම සිදුවීම සිදු ව ඇති බවයි.
අනතුරින් පසු සර්වජන බලය පක්ෂයේ මන්ත්‍රීවරයා කලවාන මූලික රෝහලට ඇතුළත් කළ නමුත් ටික වේලාවකට පසු ඔහු මියගිය බව වාර්තා වේ.
කෙසේ නමුත් සිද්ධිය වන අවස්ථාවේ මන්ත්‍රීවරයා කොන්ත්‍රාත් පදනම මත ගස් කප්පාදු කිරීමේ කටයුතුවල නිරත වී සිටි බවයි සදහන් වන්නේ.
