අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති බව කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස පවසයි.
අද (03) දහවල් පැවති අමාත්‍ය මණ්ඩල තීරණ දැනුම්දීමේ ප්‍රවෘත්ති සාකච්ඡාවේ දී මාධ්‍යවේදියෙක් නැඟූ ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.
ඔහු එහිදී කියා සිටියේ, මෙය විරුද්ධවාදීන් විසින් හෝ අවදානය දිනාගැනීම වෙනුවෙන් ඇතැම් මාධ්‍ය තුළින් මැවූ ව්‍යාජ පුවතක් බවයි.
එහිදී ඔහු වැඩිදුරටත් සඳහන් කළේ,
අමාත්‍ය මණ්ඩලය සංශෝධනය සඳහා හෝ අගමැතිතුමිය වෙනස් කිරීම සඳහා කිසිම සාකච්ඡාවක් යෝජනාවක් අපි අතරේ පැවතිලා නෑ. එය සමහර විට අපේ විරුද්ධවාදීන් අවධානය දිනා ගැනීම සඳහා මධ්‍ය ඇතුළේ මතු කරන ප්‍රවෘත්තියක් වෙන්න පුලුවන්.කිසිම වෙලාවක කැබිනට් මණ්ඩල සශෝධනයක් ගැන අපි සාකච්ඡා කරලා නෑ”
