දෙහිඅත්තකණ්ඩිය – මහියංගන ප්‍රධාන මාර්ගයේ ධාවනය වෙමින් තිබූ මෝටර් රථයක් හොබරියාව ප්‍රදේශයේදී අද පෙරවරුවේ මාර්ග මාර්ගයෙන් ඉවතට පැන පදික වේදිකාවට කඩා වැදීමෙන් එක් පුද්ගලයෙකු ජීවිතක්ෂයට පත්ව පෙර පාසල් දරුවන් සිව්දෙනෙකු ඇතුළු 6දෙනෙකු ද තුවාල ලබා තිබේ.
පොලිසිය පැවසුවේ අනතුරින් තුවාල ලැබූවන් ගිරාදුරු කෝට්ටේ රෝහල වෙත ඇතුළත් කර ඇති බවයි.
මහියංගණයේ සිට දෙහිඅත්තකණ්ඩිය දෙසට ගමන් ගත් මෝටර් රථයක් මෙසේ අනතුරට ලක්වී තිබේ.
පෙර පාසල් දරුවන් හතර දෙනකු ආබාධිත පුද්ගලයෙකු සහ කාන්තාවක් මෙම අනතුරින් බරපතළ තුවාල ලබා ඇතැයි පොලිසිය පැවසීය.
රියැදුරට නින්දයාම මෙම අනතුරට හේතුවන්නට ඇතැයි පොලිසිය සැක කරන අතර කෙසේ නමුත් සිද්ධිය සම්බන්ධයෙන් විමර්ශණ සිදුකරයි.
