අමෙරිකාව විසින් ඉරානයට එල්ල කළ ප්‍රහාර හමුවේ ඉරානය සිය රටට එල්ල කළ ප්‍රහාරයට එරෙහිව අමෙරිකාවට ප්‍රතිචාරයක් ලබා දෙන බවට අනතුරු අඟවා ඇති බව විදෙස් මාධ්‍ය වාර්තා කරයි.
ඉස්ලාමීය විප්ලවවාදී ආරක්ෂක බළකායේ ප්‍රකාශක ඊබ්‍රහිම් සොල්ෆගාරි පවසන්නේ එක්සත් ජනපදය විසින් සෘජුවම යුද්ධයට අවතීර්ණ වී ඇති බවත් ඔවුන් ඉරානයේ පූජනීය භූමිය උල්ලංඝනය කර ඇති බවත් ය.
බලවත් සහ ඉලක්කගත මෙහෙයුම් හරහා එක්සත් ජනපදය බරපතළ, කණගාටුදායක සහ අනපේක්ෂිත ප්‍රතිවිපාකවලට මුහුණ දෙනු ඇති බවත් ඊබ්‍රහිම් පවසා ඇති අතර එමෙන්ම ඔහු වැඩිදුරටත් අදහස් දක්වමින් පැවසුවේ ට්‍රම්ප් යනු සූදුකාරයෙක් බවත් ඔහුට යුද්ධය ආරම්භ කළ හැකි වුවද යුද්ධය අවසන් කරනුයේ ඉරානය බවත් ය.
ඉරානයේ ඉස්ලාමීය විප්ලව ආරක්ෂක බලකාය යනු මින් වසර 40කට පෙර පිහිටුවන ලද එරට ඉස්ලාමීය ක්‍රමය ආරක්ෂා කිරීමට සහ නිත්‍ය සන්නද්ධ හමුදාවන්ට ප්‍රති බරක් සැපයීමටය.
එය ඉරානයේ ප්‍රධාන මිලිටරි දේශපාලනික සහ ආර්ථික බලවේගයක් බවට පත්ව ඇති අතර ඉරානයේ උත්තරීතර නායක අයතුල්ලා අලි කමේනි සහ සහ තවත් බොහෝ ජ්‍යෙෂ්ඨ පුද්ගලයින් සමග සමීප සබඳතාද පවත්වයි.
විදෙස් මාධ්‍ය සඳහන් කර ඇත්තේ ඉස්ලාමීය විප්ලව ආරක්ෂක බළකාය සතුව ක්‍රියාකාරි භටයින් 190,000කට අධික පිරිසක් සිටින බට ඇස්තමේන්තු කර ඇති බවයි.
එම බළකාය විදේශීය මෙහෙයුම් වන කුඩ්ස් බළකාය හරහා මිත්‍ර පාක්ෂික රජයන්ට සහ සන්නද්ධ කණ්ඩායම්වලට මුදල්, ආයුධ, තාක්ෂණය, පුහුණුව සහ උපදෙස් ලබා දෙනු ඇති බවද සඳහන් වේ.
