ඉන්දියානු නිළියක් සහ නිරූපිකාවක් වන ෂෙෆාලි ජරිවාලා පසුගිය සිකුරාදා (27) ඇගේ නිවසේදී මිය ගොස් ඇති බව වාර්තා වේ.
ඇය මිය යන විට 42 වියේ පසුවිය.
මුම්බායි පොලිස් වාර්තා අනුව ඇය නිවසේ දී ඇද වැටී ඇති අතර නළුවෙකු වන සැමියා ඇය රෝහල්ගත කර ඇති නමුත් රෝහලට ගෙන එන විටත් ඇය මියගොස් තිබු බව සඳහන් වේ.
කෙසේ නමුත් මියයාමට හේතුව හදිසි හෘදයාබාධයක් බව පැවසේ.
නිරහාරව සිට ඇති ඇය වයස්ගතවීම වැලැක්වීමේ එන්නතක්ද ලබාගෙන තිබු බව වෛද්‍යවරු අනාවරණය කරගෙන ඇති අතර රුධිර පීඩනයේ පහළ වැටීමක් සිදුව ඇති බවද ඔවුන් කියති.
කෙසේ වෙතත්, සිනමාපට 13ක් සහ ඉන්දීය රියැලිටි වැඩසටහන්වල පෙනී සිටි ඇයගේ වියෝව ඉන්දියානු විනෝදාස්වාද කර්මාන්තය කම්පනයට පත්කර ඇත.
