රුපියල් කෝටි දහයක් පමණ වටිනා සුඛෝපභෝගී මෝටර් රථයක් නීති විරෝධීව එකලස් කිරීමේ සිදුවීමට අදාළ නඩුව සම්බන්ධයෙන් හිටපු රාජ්‍ය අමාත්‍ය සහ පාර්ලිමේන්තු මන්ත්‍රී සුජීව සේනසිංහ අද (16) කොටුව මහේස්ත්‍රාත් අධිකරණයේ නියෝගයකට අනුව ඇප මත මුදා හැර ඇත.
පසුගියදා කොටුව මහේස්ත්‍රාත් නිලුපුලී ලංකාපුර විසින් අපරාධ පරීක්ෂණ දෙපාර්තමේන්තුවට නියෝග කර තිබුණේ, සුජීව සේනසිංහ අධිකරණයට ඉදිරිපත් කරන ලෙසත්, වෛද්‍ය ප්‍රතිකාර සඳහා විදෙස් ගතවූ බව තහවුරු කිරීමට අදාළ වෛද්‍ය වාර්තා ඉදිරිපත් කරන ලෙසත් ය.
මේ අතර අද නඩු විභාගය පැවැත්වෙන අවස්ථාවේදී, විපක්ෂ නායක සජිත් ප්‍රේමදාස ඇතුළු සමගි ජන බලවේගය නියෝජනය කරන පාර්ලිමේන්තු මන්ත්‍රීවරුන් වන රංජිත් මද්දුම බණ්ඩාර, කබීර් හෂීම්, මනෝ ගනේෂන්, සහ මුජිබර් රහුමාන් යන මහත්වරුන් ඇතුළු පිරිසක් අධිකරණය වෙත පැමිණ සිටි බවද වාර්තා විය.
