දූෂණයට සහ විශ්‍රාම වැටුප් ප්‍රතිසංස්කරණයට එරෙහිව පේරු රාජ්‍යයේ දහස් සංඛ්‍යාත තරුණ තරුණියෝ ලීමා අගනුවර දැවැන්ත විරෝධතාවකට එක්වී සිටින බව විදෙස් මාධ්‍ය වාර්තා කරයි.
ජනාධිපතිනිය ඩීනා බොලෝර්ටේගේ රජයට එරෙහිව මේ විරෝධතාව සංවිධාන කර ඇත්තේ Generation Z තරුණ තරුණියන්ගේ සාමූහික සංවිධානයක් බවත්, ඊට පේරු රාජ්‍යයේ සාමාන්‍ය ජනතාව ද එක්වී සිටින බවත් විදෙස් මාධ්‍ය වැඩිදුරටත් වාර්තා කරයි.
පේරු රාජ්‍යයේ රජයේ කාර්යාලවල දූෂණය, සංවිධානාත්මක අපරාධ ඉහළ යෑම සහ මෑතකාලීන විශ්‍රාම වැටුප් ප්‍රතිසංස්කරණය මුල් කරමින් පසුගිය සෙනසුරාදා ලීමා අගනුවරට එක්රොක් වූ තරුණ කණ්ඩායම් පාර්ලිමේන්තු ගොඩනැඟිල්ල වෙත ගමන් කරමින් සිටියදී පොලීසිය විසින් කඳුළු ගෑස් ප්‍රහාරයක් එල්ල කර ඇති අතර, ඉන් කුපිත වූ විරෝධතාකරුවන් ප්‍රචණ්ඩකාරීව පොලීසියට ගල්මුල්වලින් පහරදී ඇතැයි ද වාර්තා වේ.
එරට මාධ්‍ය සඳහන් කර ඇත්තේ විරෝධතාකරුවන්ගේ ප්‍රහාරවලින් පොලිස් නිලධාරීන් කිහිපදෙනකු තුවාල ලබා ඇති බවයි.
එමෙන්ම මාධ්‍යවේදියකු සහ කැමරා ශිල්පියකු ද එම විරෝධතා අතරතුර තුවාල ලැබූ බව විදෙස් මාධ්‍ය සඳහන් කරයි
