හසලක මිනිපේ පමුනුපුර ප්රදේශයේ සිදු වූ නායයෑමකින් පුද්ගලයින් 05දෙනෙකු මියගොස් තවත් 12දෙනෙකු අතුරුදන්ව ඇති බව වාර්තා වේ.
මහනුවර දිස්ත්රික් ලේකම් ඉන්දික උඩවත්ත පැවසුවේ අතුරුදන් වූ පුද්ගලයින් සොයා මෙහෙයුම් සිදු කරන බවයි.
මේ අතර කෑගල්ල බුලත්කොහුපිටිය, දේදුගල ප්රදේශයේ නිවාස පෙළක් නායයෑමකට ලක්ව තිබේ.
දිස්ත්රික් ලේකම් ජේ.එම්.හේරත් සදහන් කළේ නිවාස 05ක් මෙලෙස නායයෑමට ලක්ව ඇති බවට තොරතුරු ලැබී ඇති බවයි.
ඒ අනුව එම නිවෙස්වල සිටි පුද්ගලයින් අතුරුදන්වී සිටින අතර ඔවුන් මුදා ගැනීම සදහා එම ස්ථානයට ළඟා වීම ද දුෂ්කර වී ඇති බව දිස්ත්රික් ලේකම්වරයා පැවසුවේය.
