ලන්දේසි පෙරදිග ඉන්දීය වෙළඳ සමාගම (VOC) විසින් නෙදර්ලන්තයට රැගෙන ගොස් ඇති කෞතුක භාණ්ඩ 6ක අයිතිය බුද්ධශාසන, ආගමික හා සංස්කෘතික කටයුතු ඇමැති විදුර වික්රමනායක මහතාගේ මැදිහත් වීම මත නෙදර්ලන්ත රජය විසින් නැවත ශ්රී ලංකාවට පැවරීමට තීරණය කර තිබෙනවා.
රනින් නිම කරන ලද කොපුව සහිත කස්තානයක්, රිදියෙන් නිම කරන ලද කොපුව සහිත කස්තානයක්, රනින් නිම කළ පිහියක්, මහ තුවක්කු දෙකක් සහ ලෙව්කේ දිසාවේ හට අයත්ව තිබුණා යැයි සැලකෙන කාලතුවක්කුවක් යන කෞතුක භාණ්ඩ මේ අනුව ශ්රී ලංකාවට භාර දෙනු ඇති.
ඉහත කෞතුක භාණ්ඩ භාර දීම පිළිබඳ නෙදර්ලන්ත රජය විසින් ගනු ලැබූ තීරණය ඊයේ (6) ගැසට් නිවේදනයක් මඟින් නිල වශයෙන් ප්රකාශයට පත් කර තිබෙනවා.
නෙදර්ලන්ත රජය විසින් ශ්රී ලංකාවට මේ භාණ්ඩවල අයිතිය පැවරීමේ නීතිමය ලියකියවිලි අත්සන් කිරීමෙන් අනතුරුව මේ කෞතුක භාණ්ඩ ශ්රී ලංකාවට රැගෙන එන දිනය තීරණය කරනු ඇති.
ශ්රී ලංකාව හා නෙදර්ලන්ත ආයතන අතර සංස්කෘතික සහයෝගිතා කටයුතු මේ වන විටත් ආරම්භ කර තිබෙන අතර, ඉදිරියේදී තාක්ෂණික දැනුම හුවමාරු කරගැනීම, අධ්යාපන හා පුහුණු අවස්ථා ආදි කටයුතු රැසක් ක්රියාත්මක වීමට නියමිතයි.
