පවතින අයහපත් කාලගුණ තත්ත්වය හමුවේ ජීවිත බේරා ගැනීමේ මෙහෙයුම සඳහා ගුවන් හමුදා හෙලිකොප්ටර් 7ක් මඟින් කුඩා ළමුන් 21 දෙනෙකු ඇතුළු බොහෝ පිරිසක් මුදවා ගත් බව යුද හමුදාපති ලසන්ත රෝද්‍රිගෝ පවසයි
යුද හමුදාපති අද (29) උදෑසන පැවති මාධ්‍ය සාකච්ඡාවකට එක්වෙමින් මේ බව සඳහන් කළා.
වැඩිදුරටත් කරුණු දැක්වූ යුද හමුදාපතිවරයා,
” අයහපත් කාලගුණය තත්ත්වය හමුවේ ගුවන් හමුදා හෙලිකොප්ටර් හතක් ඔස්සේ මෙහෙයුම් කටයුතු සිදු කරනු ලබනවා. ගුවන් හමුදා මූලික කඳවුර රත්මලානේ බෙල් 42 යානාවත්, අනුරාධපුර මූලික කඳවුරේ බෙල් MY 17 යානාවත්, ශ්‍රී ලංකා ගුවන් හමුදා මූලික කඳවුරේ හිඟුරක්ගොඩ බෙල් 412 යානාවත් , ශ්‍රී ලංකා ගුවන් හමුදාව පලාලි, මාලවී සහ වීරවිල යනාදී කඳවුර ආශ්‍රිතව බෙල් ගුවන් යානා භාවිතා කරමින් මෙහෙයුම් කටයුතු සිදු කරනවා.2025 /11/24 සිටි 28 වැනි දින දක්වා M 17 බෙල් ගුවන් යානයෙන් මෙහෙයුම් අටක් සිදු කර තිබෙනවා. කුඩා ළමයි 21 දෙනෙකු ඇතුළු බොහෝ පිරිසක් බේරාගෙන තිබෙනවා. හුළං තත්ත්වය තිබුණද දැඩි අපහසුතාවයක් අවදානමක් තත්ත්වයක් වුවද ගුවන් හමුදාව විසින් මෙම මෙහෙයුම් කටයුතු සිදු කරනවා.” යනුවෙන් යුද හමුදාපති පවසනවා.
