විගණකාධිපති තනතුරට තමන්ට හිතවත් සුදුසුකම් නොමැති පුද්ගලයෙක් පිටතින් ගෙනත් පත්කර ගැනීමට ජනාධිපතිවරයා සූදානම් වන්නේ මුදල් ඇමතිවරයා හැටියට ඔහු යටතේ තිබෙන රේගුව විසින් සිදු කරපු මහා වංචනික ක්රියාව යට ගැසිමටද ද නැතිනම් එම වංචනික ක්රියාව සාධාරණීකරණය කිරිමටද යන ප්රශ්නය ජනතාවට ඇති වන බව ශ්රී ලංකා පොදුජන පෙරමුණේ මහ ලේකම් නීතිඥ සාගර කාරියවසම් පවසයි.
ඊයේ (15) පැවති ප්රවෘත්ති සාකච්ඡාවකට එක්වෙමින් ඔහු මේ බව අවධාරණය කර තිබේ.
මාස 08ට වැඩි කාලයක් රටේ ජනාධිපතිවරයාට විගණකාධිපතිවරයෙක් පත් කරන්න හැකියාවක් නොමැති බව පැවසිම සාධාරණ කාරණයක් නොවන බවයි ඔහු පෙන්වා දෙන්නේ.
මෙරට විගණකාධිපති තනතුර හිස් වූයේ 2025 අප්රේල් මාසයේ 08 වන දා බව පැවසු කාරියවසම් ඒ හිස් වූ විගණකාධිපති තනතුරට මේ වෙනතෙක් සුදුසු පුද්ගලයෙකු පත්කර ගැනීමට ජනාධිපතිවරයාට නොහැකි වී ඇති බව පැවසීය.
ඔහු තවදුරටත් සඳහන් කළේ, විගණකාධිපති දෙපාර්තමේන්තුව සුදුසු පුද්ගලයන් සිටින බවත් ඇති වී තිබෙන අවශ්යතාව කුමක්ද යන්න ඉතාම බැරෑරුම් කාරණයක් බවත් ය.
මෙරට මෙතෙක් ආණ්ඩුවක් විසින් සිදුකරපු විශාලතම වංචාව වරායේ කන්ටේනර් 323ක් හොරෙන් එළියට දැමූ මහා වංචාකාරී සිදුවීම සහ මේ විගණකාධිපතිවරයා පත්කිරීමට දරන උත්සාහය පිටුපස යම්කිසි සහසම්බන්ධයක් තිබෙනවාද කියන සැකය මතුවෙන බව ලේකම්වරයා පවසයි.
